نجاد البرعي : أكاد أبكي ندما على ظلمي لهشام قنديل

قال الناشط الحقوقي نجاد البرعي: اعترف بأني ظلمت هشام قنديل لما كان بيتكلم عن أن البلد فيها عجز في الطاقة، ولازم كلنا نقعد في أوضه واحده، ونلبس قطن، وما نشغلش التكييف كثير".

وأضاف فى تدوينة له على موقع التواصل الاجتماعي فيس بوك, "بافتكر دلوقتي كل الكلام اللي قلته والتريقه وتكاد عيني أن تدمع.. لقد ظلمت الرجل.. الآن محلب يقول الكلام نفسه ولكن بصيغه متعجرفة.. الحكومة تنظر إلينا بقرف وتعطينا تعليمات مع العلم بأننا نور عينين السيسي شخصيا.

وتابع "البرعي": "مش عايز اظلم إبراهيم محلب زي ما ظلمت قنديل.. لكن عايز أقوله بآدب المره دي.. يا سياده رئيس مجلس الوزراء قلل التكيفات اللي في مكتبك وبيتك واللمبات اللي مالية حياتك وبلاش القصور الفاخرة التي تسكنون فيها, والمكاتب العامره بالموظفين وخلافه وكله نور وتكييف.

وأستطرد: "أنا عايش في شقة غرفتين وصالة ومش هاقفل التكييف أبدا, وهاستهلك كهرباء بفلوسي, وإن شاء الله البلد ما يبقي فيها نور, بتودوا فلوسنا فين منكم لله".