موقع اليوم السابع حضرتك إنت متأكد إنه صحفي؟

مشكلة موقع اليوم السابع إنه ما بيفكرش يعمل سيرش عن اسم الشخص اللي هيكلفه يضرب خبر معين قبل ما ينزل اسمه مع الخبر!
ْ
يعني مثلا الخبر اللي ع اليمين ده هما منزلينه الصبح بإنه الأمن تمكن من ضبط خلية كانت بتأجر شقق للإخوان في اعتصام رابعة النص ساعة بـ 500 جنيه..
ْ
طبعا بغض النظر عن إن 500 جنيه كل نصف ساعة يعنى 12000جنيه فى اليوم يعنى 480000 شهريا يعني لو أجرت 100 شقة في 24 شهر كانت عملت مليار و152مليون جنيه وحلت مشكلة عجز الموازنة للدولة..
ْ
لكن الأهم من دا كله إن اسم المحرر اللي نازل مع الخبر لو عملت سيرش عليه في الموقع هتلاقي كل أخباره من نفس النوع حتي من أيام حكم مرسي .. وآخر مقال كتبه كان بيتكلم فيه عن فيلم حلاوة روح وحاطط صورة إباحية لهيفاء وهبي في صدر المقال.. رغم إنه المفروض في المقال بيعترض ع الفيلم عشان يأيد قرار الحكومة بمنعه وكده يعني..
ْ
نفس الشخص هتلاقي الموقع منزل خبر عن زواجه ومكتوب إن اللي حضر فرحه كلهم ظباط في الداخلية (أصحابه يعني) واللواء فلان الفلاني والعديد من (قيادات) الداخلية .. الوزير بنفسه كمان حضر!
ْ
حضرتك إنت متأكد إنه صحفي؟

ـــــــــــــــــــــــــــــــــــــــــــــــــــــــــــــــــــــــــــــــ
روابط الأخبار:
خبر القوادة: http://www.youm7.com/News.asp?NewsID=1738437
خبر زواجه: http://www1.youm7.com/News.asp?NewsID=566400

أعجبني