الضحك للركب قناة المحور تتعرف علي مرتكبي حادث المنصورة من ارشيف كدب صحيفة الوطن

قناة المحور بعد حادث تفجير_المنصورة‬ مباشرة عرضت مجموعة من الصور لأشخاص متصورين بأسلحة على إنهم هما دول الخلية الارهابية اللي قامت بتنفيذ العملية، والمذيع البرنس يحرض أي حد يعرف اي حد منهم يبلغ عنه أو يتعامل معها بطريقته ..

أي حد طبعا يشوف الكلام دا يقتنع إن قناة ‫المحور‬ أخطر من غسان مطر ومن جهاز المخابرات بتاعنا لأنها قدرت توصل للجناة في بضع دقائق فقط !


بالصدفة البحتة  شوف خبر بعنوان "بالفيديو "الوطن" تنفرد بنشر رحلة الإخوان إلى غزة للتدريب على استخدام السلاح"
مصورين ناس بتقول إنها راحت حماس عن طريق الأنفاق وواضح جدا إنه فيلم هندي لأي حد يعرف الإخوان ودا كان واضح من خلال تعمد الهتاف بشعارات زي نحن الذين بايعوا محمدا في أول الفيديو وسنخوض معاركنا معهم في آخر الفيديو بافتعال شديد وبشكل مبتذل عشان الفيلم يبقى مسبوك لدرجة إن اللي بيصور ضحك مع ترديد الهتافات مع إن مفيش حاجة تضحك !!
ولكن مدى صحة الفيديو من عدمه .. مش دي المشكلة

المفاجأة
إن فيه شخصيات من اللي ظهرت صورهم على قناة المحور على إنهم الإرهابيين اللي عملوا تفجير المنصورة .. بيتحقق معاهم أصلاً بنص الخبر اللي هو بتاريخ 18-12
"وخلال إحدى جلسات التحقيق معهم من قبل جهة أمنية، رووا كيفية السفر عبر الأنفاق"
يعني هما أصلاً مقبوض عليهم ؟!!

الصورة بتوضح شخصيات موجودة فيديو قناة المحور بتاريخ 23-12

ونفس الشخصيات في فيديو جريدة الوطن بتاريخ 18-12 !!!





رابط فيديو قناة المحور
http://www.youtube.com/watch?v=S3-L99myoFM

رابط الخبر على جريدة الوطن بتاريخ 18-12
http://www.elwatannews.com/news/details/375203