روى طالب بكلية التجارة بجامعة الأزهر، شهادته على مقتل "أحمد ممدوح"، والذي لقى مصرعه خلال أحداث العنف التي وقعت اليوم الاثنين، بجامعة الأزهر، جاء ذلك خلال مداخلة هاتفية لفضائية "الجزيرة مباشر مصر".
وقال الشاهد سالم: "إحنا كنا في محاضرة، ولما بدأ الضرب الدكتور قالنا مفيش حد يخرج بره وهنفضل نكمل محاضرتنا، لغاية ما وصل الضرب لتحت شباك المدرج على طول، فالدكتور قالنا كله يقفل الشبابيك، ولما جينا نقفلها فوجئنا بطلقات خرطوش كبيرة أوي وطلبة كتير انصابوا، ومنهم محمد اللي أخد طلقتين، وساعتها نزف كتير دم وأغمى عليه، ولما جينا نخرج بيه الأمن منعنا".
وأضاف: "الأمن ضرب علينا خرطوش واحنا بنحاول ننقذ محمد، فاضطرينا نرجع، ولما الدكتور حاول يتفاوض مع المجندين اعتدوا عليه، وأهانوه جامد وضرب طلق ناري في الهواء علشان احنا والدكتور نمشي كل ده، والطالب محمد معانا وبينزف، روحنا لمكتب العميد نخبط على الباب بس فشلنا نوصله، والطلبة كسروا الباب وحاولنا نقنعه بالعافية إنه يكلم الإسعاف علشان محمد، لكن قال ماليش دعوة، وفجأة دخل الأمن واعتدوا علينا".
وكانت مسيرة حاشدة قد جابت أرجاء جامعة الأزهر للتنديد باقتحام قوات الأمن للمدينة الجامعية، قبل أن تقوم قوات الأمن بفض الوقفة، ما أسفر عن مصرع الطالبين أحمد ممدوح، ومحمد يحيى الطحاوي، إثر إصابتهما بطلقات نارية بعد هجوم للأمن مزود بمدرعات ومروحيات عسكرية، بحسب ما أعلنته فضائية "الجزيرة مباشر مصر".
0
التعليقات
