للناس اللى عايزه تعرف الفرق بين مشروع تطوير قناه السويس بتاع الدكتور مرسى وبتاع السيسى عشان نفهم كويس تعالوا نبسط الموضوع ....
قناة السويس عامله زى الطريق الصحراوي القاهره اسكندريه اول ما تخش على البوابه حضرتك بتقطع كارته ب ٤ جنيه وتمشى فى الطريق وانت خارج تورى الكارته للحارس فيعديك حلو كده ....
مشروع السيسى الطريق بدل ما هو حاره هانعملو حارتين وبذلك تزيد الطاقه الاستيعابيه للطريق وتزيد عدد العربيات اللى بتمشى عليه ونصلح الطريق شويه ونقويه فيمشى عليه عربيات اضخم وبذلك يزيد ريع الطريق ويبقى بيساوى عدد السيارات الزياده مضروب فى ٤ جنيه ....
مشروع الدكتور مرسى احنا هانعمل على يمين وشمال الطريق مطاعم وبنزينات وأماكن تسوق وسنيمات وورش تصلح السيارات ومخازن عالميه وشويه مصانع تعمل حاجات تأخذها وتستخدمها وانت ماشى على الطريق وبذلك حضرتك تدفعلك بتاع ٥٠٠ جنيه اكل وشرب وتصليح سياره وشوبنج بالتالى دخل مصر بدل ما هو ٤ جنيه يبقى ٥٠٤ جنيه عرفتوا ايه الفرق ؟؟؟
طيب سؤال يطرح نفسه : ليه السيسى ميعملش النموذج بتاع مرسى ؟؟!!!
أقولك ليه : نموذج مرسى سيدمر منطقه جبل على فى دبى ....
ازاى الكلام ده أقولك : منطقه جبل على تقوم الان بنفس الوظائف التى ستقوم بها قناه السويس على نموذج مرسى ...
وطيب ايه يعنى ماهى تبقى منافسه شريفه ...
أقولك حلو بس فيه معلومه لازم تعرفها قناه السويس على الطريق الالزامى للتجاره اما جبل على فيحتاج يومين زياده فى عمر الرحله وهما دخول وخروج السفينة الى الخليج العربى ..
يعنى جبل على مش على الطريق الالزامى وبذلك تدفع السفينة يومين زياده فى عمر الرحله وطبعا اليوم فى السفينة بالشئ الفلانى يعنى بمعنى أصح هايتخرب بيت جبل على ويروح الريع بتاعها لمصر ...
عرفت ليه نموذج السيسى يخدم دول اخرى ولا يخدم مصر كنموذج مرسى ؟؟؟؟؟
واخيرا مشروع السيسي فتكوش
لان عدد السفن التي تمر من قناة السويس شبة ثابت
مرتبط بحجم التجارة العالمي اي ان عدد السفن التي
تمر من ازدواج القناة لن يزيد فقناة السويس يمر بها
من 45 الي 70 سفينة يوميا في الاتجاهين
قافلة تمر من السويس الي بور سعيد في 11 ساعة
والاخري من بور سعيد الي السويس في 11 ساعة
فازدواج القناة لا يزيد عدد السفن ولكنة يقلل مدة عبور
السفن وهذا لا يعود علي مصر بزيادة في الايرادات
0
التعليقات
