الصورة دي معرض الهيئة الهندسية بالقوات المسلحة (إعمل جوجل عشان تتأكد إن الخبر حقيقي والصورة حقيقية) لعرض الأجهزة اللي "إخترعوها" للكشف عن الفيروسات.. معروف إن "الملاريا" لا بكتيريا ولا فيرس، فلما الإنتقاد ده إتوجِّه للقائمين على المعرض، راحوا غطوا على كلمة فيرس اللي طبعوها (اللي بالعربي) وسابوا كلمة "ملاريا".. الجهاز الاخضر لسه عليه الجملة بالإنجليزي VIRUS MALARIA
في بلدنا لما تقول يا جماعة ده تهريج، وغلط.. كان المتوقع انه الناس تناقش وتنتقد وترد وتحلل، ايه الغلط ده؟ وايه دوافعه؟ ومين اللي عمله؟ ويتصلح ازاى؟ وإيه الطريقة اللي نضمن بيها ان الغلط مايتكررش تاني؟ وشوية اسئلة كتير مفروض تتسأل! لكن اللي بيحصل انك لو فتحت بوقك تبقى حاقد على الجيش، او عايزه يسقط، او عميل او اى حاجة من التهم الاوتوماتيكية دي!
يا ريت تلاحظوا نقطة مهمة.. الإعلام المصري لما ناقش إختراع عبد العاطي بتاع الكوفتة، كان معظمين المعلقين على الاختراع ناس مالهاش علاقة لا بالبحث العلمي ولا أعضاء هيئة تدريس بالجامعات.. بالظبط زى لما الإعلام بيغطي الأمور السياسية، مابتلاقيش - في غالب الأحوال - مدرس علوم السياسية أو محاضر في العلاقات الدولية أو أستاذ زائر بجامعة أوروبية أو عربية، لا بيجيبلك واحد اسمه "خبير استراتيجي" عشان يعلق ويشرح ويحلل!
المواطن الجاهل هو المواطن المثالي.. عند الفاسد، الظالم، والفاشل
0
التعليقات
