وصلتني الرسالة التالية في انبوكسي
انشرها بدون اسم المرسل بناء على طلبه وحرصا على سلامته
ازيك يا كبير انا حصل معايا موضوع و محتاج اخد رأيك و تقييمك للموقف انا دخلت الجيش يوم كجندى و بعد مركز التدريب رحلونى على الكتيبة قديت الفترة هناك و لما حصلت احداث الانقلاب انا كنت من المجموعى اللى بتأمن فى احنا بنأمن فى المحيط دة ,المهم اول جمعة بعد انقلاب 3/7 الدنيا كانت والعة فى و كان فى مظاهرات كبيرة فى المحيط دة المهم الناس بدأت تزيد و تزيد و احنا منتشرين و معانا كل واحد خزنة حية و خزنة فشنك فجأة و بدون مأى حد يقولنا او يدينا اوامر نضرب فى واحد ضرب نار لما خاف من المتظاهرين فكل الناس العساعر بالظباط بالصف ظباط بالظباط فتحو النار كانت اكنك فى حرب , التقسيم كان كالاتى فى سلك شايك و فية حتة مفتوحة 100 واحد من عساكر الصاعقة واقفين فى الاول معاهم عصيان امن مركزى و صدادة و من غير خوزة او واقى او قناع بعدهم احنا واقفين و معانا سلاح حوالى 500 واحد و بعدينا الظباط و المدرعات و فى وسطنا الداخلية واقفة و بتضرب غاز و تتحاما فينا , المهم اول ما ضرب النار اشتغل العساكر بتاعت الصاعقة رجعت تجرى لورا خايفين حد مننا يضرب عليهم نار و الغاز اللى الداخلية بتضربة كانو بيمسكوة و يرموه علينا فالناس اللى معهاش قناع كانت بتقع ,اللى كان بيرجع يجرى لورا بقى كانت الظباط من اول رتبة مقدم اللى هما قادة الكتايب و اللؤات بيفشخوة ضرب بعصاية الامن المركزى لدرجة ان المستشفى الميدانى كان فيها جنود مضروبين من القادة اكتر من اللى مضروبين من المتظاهرين , المهم اول موجة من ضرب النار العشوائية عدت و كل الناس خلصت الذخيرة اللى معاها , فجأة ظهرت مضرعة فى النص و الظباط بيوجهونا نحيتها عشان نملا ذخيرة , تديهوم خزنة فاضية يديك واحد مليانة حى , المهم كل الناس ملت تانى ذخيرة المتظاهرين كانو جريو بعيد شوية و بعد نص ساعة كدة رجعو تانى اكتر من الاول , المهم اعدو يزيدو و بعد كدة الناس اللى فى الاول قعدو يزقوهم لورا و قامو فجأة فااتحين فاتحة صغيرة راح معدى 10 اشخاص و راحو قافلين عليهم الناس دى اتفشخت ضرب و اظن فى ناس ماتو منهم و منهم شالو قاوضى بكتير , و فجأة لقينا قائد من ورا بيقول اقتلو ولاد الوسخة دول المهم الناس بدأت تضرب تانى تحت اشراف الصف الظباط المهم انا مكنتش ضربت فى الاول بس كنت مستخبى فى العشوائية دلوقتى بقيت باين و قالى اضرب فرفضت اعد يكلمنى اكنى خايف اضرب و يشجعنى بس انا رفضت و انفعلت علية و مش عارف اهرب لو رجعت هتضرب و لو وقفت لازم اضرب المهم انا انفعلت و اعدت اقول للناس متضربش الناس بتموت و دى ناس معهاش سلاح و دة حقهم و كلام كدة انفعالى فشخ , راح الصف ظابط منفضلى , المهم اليوم عدا و وقع ناس كتير فى المتظاهرين و اليوم اللى بعدة جه قائد كبير فى الجيش و ادى منحة 50 جنية لكل عسكرى و 75 لكل صف ظابط عشان كنا رجالة ووقفنا وقفة رجالة المهم بعدها بيوم جت نشرة من الكتيبة بتاعتنا بتغير 4 من الجنود اللى فى الشارع بجنود من الكتيبة , انا كنت واحد من الجنود اللى اتبدلت , الايام عدت عادى و جة يوم المخابرات جت الكتيبة و قبضت عليا و خدونى على مكتب مخابرات, قعدونى فى اوضة كدة كان ساعتها رمضان و كنت صايم اعدونى فى الاوضة لحد الفطار و وقفوا عليا حراسة , قعدت اتحايل على الحراسة اللى واقفة اللى هما جنود زيى انى اديهم نمرة اهلى يبلغوهم و فعلا كنت منهار جدا و صعبت على واحد فيهم جدا و كان رد فعلة ان بعت الموبيل بتاعة يحطة فى العنبر عشان ميضعفش و يخلينى اكلم اهلى و قالى دول اوسخ خلق الله انت متعرفش دول ممكن يعملوا فيا اية و انا عايز اقضى ايامى يا ابو الدف ( ابو الدف دى يعنى يا زميلى كدة ) , المهم انا اعدت اصلى و ادعى ربنا لحد مجالى رائد و اخدنى و اعدنا نتمشى فى الجنينة جوة المخابرات و قاللى اختار عايز تطلع المكتب و نعد فى التكييف و نشرب حاجة و نتعشى مع بعد و تروح قبل نص اليل ولا تحب تخش الزنزانة الانفراضى و تعيش بقى فى السونة جوة , بس لو طلعت فوق و متكلمتش متزعلش من اللى هيحصل , قولتيلة انا معنديش حاجة اخبيها , المهم طلعنا فوق و طلبلى تمر هندى من العسكرى السيكة (عسكرى بيخدم على المكتب ) و لما قبضوا عليا كانو واخدين موبايلى و كان الفيسبوك مفتوح علية المهم طلبوا منى الميل و الباسورد و اديتهالهم و طبعا لقونى كاتب كلام ضدهم فشخ , سياق الحوار مشى فان فى انشقاق فى الجيش و ان انا واحد من المنشقين و انى عارف الباقى و انا طبعا احلفو انكر لكن مفيش فايدة دخلنا فى قصة انى اخوان و ان اهلى بيروحوا رابعة و انهم مسجلين مكالمات ليا لكن موجهونيش بحاجة , المهم قالولى مرضيتش تضرب نار لية قعدت احور و اقولوهم حفت من الرهبة و كدة بس هما مكنوش طبعا مصدقين المهم قعدوا يقلبو فى الفيسبوك بتاعى و انا اعد بملا فى اوراق و اجاوب على اسألة فى ورق , كان عدا حوالى 10 ساعات , المهم كل دة مكنش كتب حاجة فى المحضر او على الورق عمتا كان كلو كلام , بدأ يكتب فى كلام و انى بسرب اخبار عسكرية و انى بتخابر مع ناس على النت و ببعتلوهم تحركات الجيش و انى مكسر اوامر عسكرية و يكتب اسالة و يألف اجابات و هو كان خلاص زهق و عايز ينام فشخ و بعد مخلص كتابة و كان بيقرا اللى بيكتبة بصوت عالى طلب منى انى اامضى و ابصم , طبعا انا رفضت جدا و فضلت ارفض راح رمينى بكل الحاجات اللى على المكتب و اعد يهين فيا جدا و فى وسط مهو بيرمى عليا الحاجة فى حاجة خبطت فى التليفزيون اللى ورايا راح انفعل و وقف كدة و اعد يجرب فى التليفزيون ليكون حصلة حاجة انا اعدت اعيط جدا فى اللحظة دى و راح نادة عساكر الامن و قعدوا يضربو فيا و مرضتش امضى بردو راحوا منزلنى على الزنزانىة الانفرادى و قعدوا يدخلو عليا كلاب و يقفلوا علينا و نزل الرائد بالورق لحد تحت عشان امضى المهم انا كنت مش قادر خلاص و قولتلهم انى همضى راحو مطلعنى و طلعنا على المكتب تانى عشان البصامة فوق و لما طلعنا فوق رفضت امضى كل متخيل انى همضى بتخيل انى بقتل نفسى بالحياة المهم ضربونى جامد المرادى و بعدها انا فعلا مضيت و بصمت و كتبت اقرار كمان ,خدونى و نزلونى فى الاوضة تحت و على الساعة 8 الصبح ناس جولى و اعدو يصوروا فيا و بعدها سبونى اعد فى الاوضة و على الساعة 12 ضابط من الكتيبة بتاعتى جة خادنى و قاللى احنا خلاص رايحين على الكتيبة و ولا اكن حاجة حصلت و دة قرصة ودن و كدة , المهم اكتشفت اننا رايحين على السجن و راح مسلمنى لاامن السجن و دخلت السجن الساعة 1:30 بليل المهم كانوا بيعملونى زى الخرة و بيدونى مية وسخة استحما بيها و اهانة و مش بعرف انام و مكن يضربونى و انا نايم و يتحرشوا بيا , المهم على اول يوم عيد الفطر فى واحد من عساكر الامن اتسجن معانا الولد دة كان متعاطف معايا جدا و كان مسيطر جدا عشان صحابة هما اللى ماسكين السجن فكان بيدخل موبيل فنا كنت بتكلم فية فى الاوقات اللى بيخرجوا الناس عشان تاكل المهم كلمت اهلى و عرفتهم و ابويا و اصحابى كلموا ناس كتير بس كل الناس كانت خايفة تدخل ابويا راح جةللقائد و اعد يتحايل علية يطلعنى و قعد طبعا يشكروافى الجيش و اد اية هو معرفش يربى و انة هيربى و المهم الراجل اتعاطف مع ابويا جدا و قالة هخرجهولك كمان اسبوع , و فعلا بعدها بيومين خرجونى و كان يوم فض رابعة , و ادونى اجازة 10 ايام و بعد 5 ايام كلمونى و قالولى تعالا رحت هناك كنت بفكر اهرب فى الصعيد او استخبى فى اى حتة بس كل الناس قالتلى انت كدا فعلا بتدفن نفسك و لو هربت هتفضل طول عمرك هربان ,المهم رحت راحوا مدينى شهادة رفد من الجيش و مشونى , حاليا انا عندى مشاكل فى الورق فكل خطوة و مينفعش اسافر من غير ماخد تصريح امنى من الجيش و لو اشتغلت بحور عل اد مقدر انى مجبلهومش شهادة الجيش ,المهم انا خايف جدا و مش عايز اتسهتر و مش عارف هما ممكن يعملوا اية بعد كدا ,انا خالى عايش فى دولة اسكندنافيا و معاه الجنسية فكرت اسافرلة و اعد هناك , و فكرت اعد هنا و ان طالما انا مش بعمل حاجة يبقى انا فى الامان , انا خايف حتى اخطب البنت اللى كنت مرتبط بيها حاسس انى مش امن و ان فى اى لحظة ممكن يجيبونى بالتهم اللى انا ماضى عليها , حقيقة الموقف اية من تقديرك و تنصحنى اعمل اية , اعيش ازاى !! ارجوك ساعدنى !
0
التعليقات
.jpg)
